Britaniya F-35 qiruvchilarini muddatdan avval qabul qilib oldi

Britaniya harbiy-havo kuchlari Amerikaning to‘rtta F-35B Lightning beshinchi avloddagi qiruvchisini qabul qilib oldi, ular Norfolk grafligidagi bazaga rejalashtirilgan muddatdan ikki oyga avvalroq kelgan. Bu haqda HHK saytida xabar berildi.

«Endi Britaniyaga tegishli bo‘lgan eng zamonaviy qiruvchilar Norfolkdagi o‘zining yangi uyiga keltirildi. Ular AQShdan amalga oshirilgan transatlantik parvozdan so‘ng kecha kechqurun Britaniya yeriga qadam qo‘ydi», - deyiladi harbiy mahkama saytidagi xabarda.

Buyuk Britaniya hammasi bo‘lib shunday turdagi 138ta qiruvchi xarid qilishni rejalashtirmoqda. Mamlakat hukumati 2021 yilga qadar yangi harbiy samolyotlar uchun 12 mlrd funt sterling sarflash niyatida.

Eslatib o‘tamiz, avvalroq Turkiya AQSh F-35 qiruvchi samolyotlarni yetkazib bermasa, nima qilishini aytgandi.