«Maslahat beruvchilar ko‘p bo‘lar ekan» - Jahongir Ortiqxo‘jayev 

Xalqaro press-klubda Toshkent shahri hokimi vazifasini bajaruvchi Jahongir Ortiqxo‘jayev ishtirokida «Toshkent: aqlli, obod va sevimli shahar uchun umumiy harakatlar rejasi» mavzusida navbatdagi sessiya bo‘lib o‘tdi. Bu haqda Kun.uz muxbiri xabar bermoqda.

«Tadbirkor sifatida o‘z ishimni sartaroshxona va oyoq kiyimi tuzatish shirkatini ochish bilan boshlaganman. O‘shanda 17 yoshda edim. O‘sha payt davlat tomonidan ko‘plab kooperativlar ochilgandi. Biznesni eng quyi pog‘onadan o‘rganganman, desam xato bo‘lmaydi. Ustozim esa - xalqimiz. Xobbiga keladigan bo‘lsak, xalqqa xizmat qilish, bir odamga foydam tegishdir. Albatta, kitoblar ham o‘qiyman», - degan u.

«Hokimlarga maslahat beruvchilar ko‘p bo‘lar ekan. Oldin ham boshqa ishdagi tajribamda ko‘rgandim buni. Jamoamda ham maslahat berib, ham o‘sha g‘oyani amalga oshiradigan odamlar bo‘lishini xohlayman. Faqat maslahat beruvchi emas, balki g‘oya berib, o‘zi ham shu g‘oyani amalga oshirishda ishtirok etadigan odamlar kerak», - dedi Jahongir Ortiqxo‘jayev. 

Eslatib o‘tamiz, avvalroq Ortiqxo‘jayev biznesdan chetlashgani haqida aytib o‘tgandi.