Erdo‘g‘an Rossiyaga S-500 majmualarini birgalikda ishlab chiqarishni taklif qildi
Turkiya prezidenti Rajab Toyyib Erdo‘g‘an Rossiyaning S-500 zenit-raketa majmuasini birgalikda ishlab chiqarish taklifini bildirdi. Erdo‘g‘an bu haqda TV 24 telekanaliga bergan intervyusida aytib o‘tdi.
“Rossiya bizga maqbul shartlarda S-400 bo‘yicha kredit taqdim qildi. 2- va 3-bosqichda biz majmuani birgalikda ishlab chiqarishga o‘tamiz. Men Rossiyaga, shuningdek, S-500’ni birgalikda ishlab chiqarishni taklif qildim”, deb aytgan Erdo‘g‘an.
Bundan tashqari, Erdo‘g‘an AQSh va NATOning S-400 yetkazib berilishi bo‘yicha kelishuvlar tanqidiga javob qaytardi.
“Nima uchun ular Gretsiyada bor bo‘lgan S-300 haqida hech narsa deyishmayapti? Turkiyaga nisbatan bunday munosabatni tushunish qiyin. Bizning mudofaa sanoatimizning o‘z ehtiyojlari bor va biz ularni qondirishga intilamiz”, deb aytgan Turkiya yetakchisi.
Avvalroq Erdo‘g‘an Anqara zarurat yuzaga kelsa, S-400 majmualarini qo‘llashga tayyorligini aytgandi.
Mavzuga oid
20:51 / 04.10.2024
Rossiya «Tolibon»ni terrorchilar ro‘yxatidan chiqarish bo‘yicha ishlarni yakunlamoqda - FXX rahbari
18:42 / 04.10.2024
Rossiyada o‘zbek diasporasi yetakchisi noqonuniy migratsiyani tashkil etishda gumon qilinmoqda
09:00 / 04.10.2024
«Gazprom» Rossiyada eng zarar ko‘rgan kompaniyalar ro‘yxatini boshqaryapti
23:19 / 03.10.2024