Eron Rossiyaning neft bo‘yicha taklifini bloklaydi

Eronning OPeK+’dagi vakillari ma'lum qilishicha, tashkilotning uch a'zosi Rossiya hamda Saudiya Arabistonining neft qazib olish hajmini oshirish bo‘yicha taklifini bloklaydi. Bu haqda Bloomberg xabar bermoqda.

OPeK+ davlatlari vakillari o‘tgan hafta Venada uchrashuv o‘tkazdi.

«Agarda Saudiya Arabistoni va Rossiya ishlab chiqarishni oshirmoqchi bo‘lsa, bu bir yoqadan bosh chiqarishni talab qiladi. Agar ular yakka holda harakat qilishni istashsa, unda bu hamkorlik to‘g‘risidagi kelishuvni buzadi», - deya ma'lum qildi Eron vakili Hussayn Kozimpur Ardebiliy.

Eslatib o‘tamiz, avvalroq Saudiya Arabistoni neft qazib olish hajmini oshira boshlagani, bu xomashyo ishlab chiqarishning ikki yillik qisqarishidan so‘ng yuz bergani xabar qilingandi.