Indoneziyada qayiqning cho‘kishi oqibatida o‘nlab odamlar bedarak yo‘qoldi

Indoneziya g‘arbida qayiqning cho‘kishi oqibatida bir kishi halok bo‘ldi, o‘nlab odamlar bedarak yo‘qolgan deb hisoblanmoqda. Bu haqda “Sinxua” axborot agentligi xabar berdi. 

Ma'lum qilinishicha, voqea Shimoliy Sumatra viloyatidagi Toba ko‘lida yuz bergan. Qutqaruv xizmati yo‘qolganlarni qidirish bo‘yicha amaliyot o‘tkazmoqda.

Jakarta Post nashrining ma'lum qilishicha, qayiq bortida 80 ga yaqin odam bo‘lgan. Ta'kidlanishicha, hozirda 5 kishini qutqarib olishga muvaffaq bo‘lingan. Qolgan tafsilotlar hozircha noma'lum.