Uch kishining hayotiga suiqasd qilgan shaxs qo‘lga olindi

Illyustrativ foto

19 iyun kuni Toshkent shahrining Yunusobod tumanida jinoyat yuz berdi. Bu haqda O‘zbekiston Respublikasi IIV Jamoatchilik va ommaviy axborot vositalari bilan aloqalar boshqarmasi xabar qilmoqda.

Ma'lum bo‘lishicha, shu tumanda yashovchi D.G. mast holda Amir Temur ko‘chasida joylashgan “Marvarid” nomli oshxona oldida o‘zaro janjal oqibatida shu tumanda yashovchi M.M.ning chap bilak qismiga, Mirobod tumanida yashovchi O.T.ga va Toshkent viloyati Qibray tumanida yashovchi Sh.X.ga pichoq bilan jarohat yetkazgan.

Natijada M.M., O.T. va Sh.X. kasalxonaga yotqizilganlar. D.G. qo‘lga olingan.

#Toshkent #Yunusobod #jinoyat