Erdo‘g‘an o‘zining prezidentlik saylovidagi g‘alabasini e'lon qildi

Rajab Toyyib Erdo‘g‘an Turkiyada bo‘lib o‘tgan prezidentlik hamda parlament saylovlari natijasiga ko‘ra, xalq unga ishonch bildirganini ma'lum qildi. Bu haqda Erdo‘g‘an NTV telekanali translyatsiya qilgan Istanbuldagi chiqishi vaqtida aytib o‘tdi. 

"Xalqimiz menga prezidentlik majburiyatlarini bajarish vazifasini ishondi", – deya Erdo‘g‘an so‘zlariga iqtibos keltirmoqda RIA "Novosti".

"Saylovlarda qatnashish 90 foizga yetdi va ko‘plab mamlakatlar uchun namuna bo‘ldi. Turkiya bo‘ylab saylovlarning yuqori darajada tashkil qilinishi katta mamnuniyat bag‘ishlaydi", – degan Erdo‘g‘an. 

Uning so‘zlariga ko‘ra, Turkiya hukumati 2023 yilgacha mamlakatning rivojlanish konsepsiyasidagi maqsadlarni amalga oshirishga qattiq kirishadi. 

Avvalroq, O‘zbekiston Respublikasi Prezidenti Shavkat Mirziyoyev Erdo‘g‘anni prezidentlik saylovlaridagi g‘alabasi bilan tabriklagani ma'lum qilingan edi.