Bolgariya dunyoda aholisi eng tez kamayib ketayotgan davlat deb ataldi

Bolgariyada aholi soni kamayishda davom etmoqda. BMTning iqtisodiy va ijtimoiy masalalar departamenti ma'lumotlariga ko‘ra, Bolgariyada aholi soni 7 mlndan kamayib ketgan. Bu haqda Bolgariyada bir kunda 120 kishi tug‘ilib, 193 kishi vafot etgandan keyin ma'lum qilingan. 

“Bu og‘ir yangilikdir. Bolgariya demografik o‘lim yoqasida, u o‘lmoqda. Biz dunyoda eng tez kamayib ketayotgan millatmiz”, deb aytgan bolgariyalik akademik Pyotr Ivanov.

Bolgariya aholisini ro‘yxatga olish ma'lumotlariga ko‘ra, mamlakatda 1946 yilda 7029349 kishi, 1985 yilda esa 8948649 kishi bo‘lgan.

Oxirgi ma'lumotlarga ko‘ra, Bolgariya aholisi 6999663 kishini tashkil qilmoqda. Shu tariqa, oxirgi 33 yil ichida mamlakat aholisi deyarli 2 mln kishiga kamayib ketgan.