Boliviya prezidenti jarrohlik amaliyotini boshdan o‘tkazdi

Foto: EFE

Boliviya prezidenti Evo Morales 4 iyunda jarrohlik amaliyotini boshdan o‘tkazganini ma'lum qildi. Uning aytishicha, amaliyot muvaffaqiyatli o‘tgan.

“Sizning duolaringiz va men bilan birdam bo‘lganingiz uchun minnatdorman. Ko‘rik vaqtida menda kichik o‘simta aniqlandi. U hech qanday xavf-xatarsiz shoshilinch jarrohlik bo‘limida muvaffaqiyatli olib tashlandi. Ertaga shifoxonadan chiqaman. Men 100 foiz yaxshiman”, deb yozgan Morales tvitterda.

58 yoshli siyosatchi La-Pasdagi shifoxonalardan birida operatsiya qilingan.