Yevrokomissiya rahbari NATO sammitini nogironlar aravachasida tark etdi

Yevrokomissiya rahbari Jan-Klod Yunker NATOning Bryusseldagi sammitini nogironlar aravachasida tark etishiga to‘g‘ri keldi. 

Avvalroq internetda Yunker sammit vaqtida oyoqlarida zo‘rg‘a turib, Ukraina prezidenti Pyotr Poroshenkoga yiqilib tushishiga bir baxya qolgani muhrlangan video paydo bo‘lgan. Ko‘pchilik siyosatchini mast deb o‘ylagan.

Biroq Yevrokomissiya rasmiy vakili Margaritis Sxinas Yunkerda og‘riq sindromi xuruji – ishialgiya yuz bergan. Uning aytishicha, Yunker dorilar qabul qilmoqda va hozirda o‘zini yaxshi his qilmoqda hamda ishlashga tayyor.

Ta'kidlanishicha, Yunker NATO vaqtida chayqalib va qoqilib yurgan. Shu sababli unga boshqa ishtirokchilar yordami kerak bo‘lgan.

Niderlandiya bosh vaziri Mark Ryuttening ma'lum qilishicha, Yunkerning sog‘lig‘i bilan  jiddiy muammo yo‘q, biroq uni beli bezovta qiladi.