Turkiyada barcha davlat teatrlari faoliyati to‘xtatib qo‘yildi 

Turkiyada 11 iyuldan teatrlar moliyalashtirilishi to‘xtatildi, barcha spektakllar va teatrlar doirasidagi barcha ijodiy faoliyat bekor qilingan, artistlar bilan shartnomalar to‘xtatilgan. Bu haqda mamlakat prezidenti qarorida aytilgan.

Qarorga ko‘ra, davlat drama teatrlarini moliyalashtiruvchi Turk davlat teatrlari (DT) direktorati  va davlat musiqiy teatrlarini nazorat qiluvchi Turk opera va balet teatrlari (DOB) direktorati faoliyati to‘xtatildi. Taxmin qilinishicha, kelgusida bu tashkilotlar o‘rniga shaxsan Turkiya prezidenti Rajab Toyiib Erdo‘g‘an tomonidan nazorat qilinuvchi tuzilma keladi.

DT Turkiyaning 19 ta shahridagi 52 tadan ko‘proq sahna maydonlariga, DOB esa Anqara, Istanbul, Izmir, Mersin, Antaliya va Samsundagi opera va balet teatrlariga egalik qiladi.