Visa kompaniyasi UzCard-Visa kartasi chiqarilishi haqidagi xabarlarni inkor qildi

Foto: depositphotos

Visa kompaniyasi «O‘zbekiston bozorida tez orada UzCard-Visa kobeyjing kartasi chiqishi» haqida ommaviy axborot vositalarida berilgan xabarni tasdiqlamadi.

«Shuningdek, Visa va UzCard kompaniyalari o‘rtasida kobeyjing kelishuvi imzolangani haqidagi xabar ham haqiqatga to‘g‘ri kelmaydi», - deyiladi kompaniya xabarida.

Ta'kidlanishicha, Visa kompaniyasi O‘zbekistondagi moliya institutlari va biznes hamkorlar bilan naqdsiz to‘lovlarni rivojlantirish bo‘yicha qator yo‘nalishlarda hamkorlik qiladi.

Kobeyjing kartalarini chiqarish esa bu yo‘nalishlardan o‘rin olmagan.

#Visa #Uzcard