Kim Chen In Mao Tszedunning o‘g‘li xotirasiga hurmat bajo keltirdi
KXDR rahbari Kim Chen In 1950-1953 yillardagi Koreya urushi yakunlanganining 65 yilligi munosabati bilan XXR raisi bo‘lgan Mao Tszedunning o‘g‘li Mao Aninning qabrini ziyorat qildi, deb xabar berdi Shimoliy Koreya OAV.
Mao Tszedunning o‘g‘li amerikaliklarning Shimoliy Koreya hududiga bergan aviazarbalari oqibatida halok bo‘lgan va Xvechxan uyezdidagi xitoylik "xalq ko‘ngillilari" qabristoniga dafn etilgan.
Koreya markaziy telegraf agentligining xabar berishicha, Mao Anin qabriga Kim Chen In va KXDR harbiy davlat arboblari nomidan gulchambar qo‘yilgan.
Xitoy urushda rasman ishtirok etmagan, balki qo‘shinlari AQSh kabi BMT bayrog‘i ostida urushga kirgan.
Yaponiyaning Kiodo agentligi xabar qilishicha, Pxenyanda urush tugashining 65 yilligi tantanalarida 105 qavatli "Ryugyon" mehmonxonasi binosida bayram illyuminatsiyasi tashkil etilgan. Bino devorida askarlar va mushaklar hamda qo‘llarida kabutar ushlagan bolalar tasvirlari aks etgan.
Eslatib o‘tamiz, avvalroq KXDR AQShga Koreya urushi davrida halok bo‘lgan amerikalik askarlarning jasadlari qoldiqlarini topshirgani xabar qilingandi.
Mavzuga oid
18:21 / 19.09.2024
Do‘stona davlatlar bo‘ylab turne. Shoyguning KXDR, Eron va Suriyaga tashriflari ortida nima bor?
14:33 / 10.09.2024
Shimoliy Koreya yadroviy salohiyatini sezilarli darajada oshiradi
22:11 / 31.08.2024
Putin Kim Chen Inga 24 bosh ot sovg‘a qildi
13:11 / 28.08.2024