«O‘zavtosanoat»ning avvalgi rahbarlari qancha maosh olgani ma'lum qilindi

Xalqaro Press klubning navbatdagi sessiyasi bo‘lib o‘tdi. Unda "O‘zavtosanoat" vakillari ishtirok etdi.

Sessiyada jurnalist Sherzod Qudratxo‘jayev "O‘zavtosanoat"dagi rahbarlar avval qancha maosh olgani bilan qiziqdi. 

“Hammasi shaffof bo‘lishi kerak. Avtomobil sanoati sohasi bizga juda ham kerak. Oylik ish haqiga keladigan bo‘lsak, 2 million, 3 million, 4-5 million, eng yuqori oylik 6-7 million so‘m bo‘lgan. Bu rahbariyatning maoshi. Bu boradagi holat ham mutlaqo o‘zgaradi. Bizda sotuvchi-zavod-“O‘zavtosanoat” o‘rtasida uyg‘unlashuv bo‘lmagan. Shu narsani yo‘q qilamiz”, - deydi “O‘zavtosanoat” rahbari Shavkat Umurzoqov.

Eslatib o‘tamiz, avvalroq «O‘zavtosanoat» rahbari narxlar nega oshirilayotganini tushuntirgandi.