Mourino yangi mavsumning boshlanishidan cho‘chimoqda

«Manchester Yunayted» bosh murabbiyi Joze Mourino APL yangi mavsumining startidan qo‘rqayotganini aytdi.

«Bu juda g‘alati mavsumoldi tayyorgarligi bo‘ldi, biz aybdor emasmiz. U juda yaxshi tashkil qilindi, ammo, jahon chempionatida ishtirok etuvchi futbolchilarga dam berishimiz shart edi.

Tezda Angliyada yangi mavsum start oladi, biz esa yetakchi futbolchilarsiz boshlaymiz. Ular yetarli darajada mashg‘ulot o‘tkazmagan bo‘lishadi. Juda qiyin bo‘ladi, to‘g‘risini aytsam, biroz qo‘rqyapman», – deb Mourino so‘zlarini keltirmoqda Goal.

Eslatib o‘tamiz, APL 1-turi 11 avgust kuni boshlanadi. Unda «Manchester Yunayted» va «Lester» bellashadi.