Kuba aholisiga yangi konstitutsiya loyihasini sotib olish taklif qilindi

Seshanba, 31-iyuldan boshlab Kuba aholisi mamlakatning yangi konstitutsiyasi loyihasini sotib olishi mumkin. Bu haqda Correos de Cuba nashri xabar bermoqda.

Ta'kidlanishicha, 32 betlik konstitutsiya loyihasi bir Kuba pesosi (0,99 dollar, 7742,05 so‘m) narxida sotuvga chiqarildi. Hukumat bir hafta davomida Kuba yangi konstitutsiyasi loyihasining taxminan 600 000 nusxasini nashr etishni rejalashtirmoqda.

Nashr ma'lumotlariga ko‘ra, Kuba hukumati 13 avgustdan 15 noyabrgacha bo‘lgan davrda yangi konstitutsiyani umumxalq referendumiga chiqaradi.

Mavzuga oid: Kubada prezident lavozimi ta'sis etilishi kutilyapti