Ronaldu ijtimoiy tarmoqlarda ham «Real»ni tark etdi

«Yuventus» hujumchisi Krishtianu Ronaldu ijtimoiy tarmoqlarda «Real» bilan xayrlashishga qaror qildi.

Marca xabariga ko‘ra, 33 yoshli futbolchi Instagramdagi «Real» sahifasini tark etgan, ammo, sobiq ustozlari Karlo Anchelotti va Zinedin Zidan sahifalari o‘quvchisi sifatida qolgan.

Eslatib o‘tamiz, Ronaldu shu yil yozida «Real»dan «Yuventus»ga 112 million yevro evaziga o‘tgan edi. Portugaliyalik futbolchi Instagramdagi eng mashhur foydalanuvchilardan biri hisoblanadi. Uning o‘quvchilari soni 138 milliondan oshgan.