Tramp yana jurnalistlarni tanqid qildi

AQSh prezidenti Donald Tramp Pensilvaniyada o‘z tarafdorlari oldida chiqish qilar ekan, yana bir bor OAVni tanqid qildi.

"Erkin matbuotga nima bo‘ldi? Vijdonli reportajlarga nima bo‘ldi? Ular yoritishmayapti. Ular voqealarni o‘ylab topishyapti", — dedi u.

AQSh prezidenti OAVning u haqida yozayotgan xabarlarini "yolg‘on" va "ko‘ngilni ozdiruvchi" deb atadi.

Tramp shuningdek, uning KXDR, Rossiya prezidentlari va Buyuk Britaniya qirolichasi bilan uchrashuvlarini "noto‘g‘ri" yoritgan jurnalistlarni tanqid qildi. U Kim Chen In va Vladimir Putin bilan uchrashuvlardagi yondashuvini himoya qildi va bu mamlakatlar bilan iliq munosabatlar "yomon emas, yaxshi narsa" ekanligini ta'kidladi.