Britaniya Rossiyaga qarshi yangi sanksiyalarni ma'qulladi

Buyuk Britaniya Solsberidagi hodisa munosabati bilan AQShning Rossiyaga qarshi yangi sanksiyalar joriy etish haqidagi qarorini ma'qullaydi. Bu haqda Buyuk Britaniya bosh vaziri kantselyariyasidan xabar berishgan.

«Buyuk Britaniya AQSh ittifoqchimiz tomonidan ushbu yangi harakatlarni ma'qullaydi. Solsberida kimyoviy quroldan foydalanish holatiga kuchli xalqaro reaksiya Rossiyaga uning provokatsion, ahmoqona xatti-harakatlari javobsiz qolmasligi borasida aniq signal yubordi», - deyiladi Britaniya hukumatining bayonotida.

AQSh Davlat departamenti 22 avgust kuni Qo‘shma Shtatlar Britaniyaning Solsberi shahrida kimyoviy qurol qo‘llanilishi bilan bog‘liq hodisa sababli Rossiyaga qarshi yangi sanksiyalar joriy etilishi haqida ma'lum qildi.