Turk lirasi minimal rekordni yangiladi

Foto: REUTERS

Turk lirasi AQSh dollariga nisbatan 10%dan ko‘proq qiymatini yo‘qotdi. Bu haqda The Wall Street Journal yozmoqda.

Ta'kidlanishicha, kun avvalida dollar 6,21 liralik darajada bo‘lgan, bu Turkiya valyutasi uchun yangi minimum rekorddir.

«Bir necha kundan beri dunyo bozorlarida turk lirasining keskin qulashi katta qiziqish bilan e'tiborni tortmoqda. Aftidan, bu faqat Turkiyaning muammosi sifatida qabul qilinmoqda», deydi Avstraliyaning eng yirik banklaridan biri Westpac’ning valyuta tahlilchisi Shon Kallou.

Eslatib o‘tamiz, avvalroq Amerika Qo‘shma Shtatlari turklar uchun importga imtiyozlarni qayta ko‘rib chiqmoqchi ekani xabar berilgandi.