Jizzaxda mudhish YTH: 4 kishi halok bo‘ldi

Shu yil 17 avgust kuni Jizzax viloyatida mudhish yo‘l-transport hodisasi sodir bo‘ldi. Bu haqda O‘zbekiston Respublikasi IIV Jamoatchilik va ommaviy axborot vositalari bilan aloqalar boshqarmasi xabar qildi.

Qayd etilishicha, G‘allaorol tumanida yashagan I.A. mast holda “Neksiya” rusumli avtomashinasini tuman hududidan o‘tuvchi “Toshkent-Termiz” avtomobil yo‘lining 1012-km.da haydab ketayotib, o‘zidan oldinda harakatlanib ketayotgan I.R. boshqaruvidagi “DAF” rusumli yuk avtomashinasining orqa tomoniga urilib yo‘l-transport hodisasi sodir etgan. 

Natijada haydovchi I.A. va uning 3 nafar yo‘lovchisi tan jarohati olib voqea joyida vafot etgan, yana bir yo‘lovchi esa kasalxonaga yotqizilgan.