Jo‘rabek Karimov musobaqaning ikkinchi raketkasini mag‘lub etdi

Indoneziyada Osiyo o‘yinlarining to‘rtinchi kuni doirasidagi bahslar davom etmoqda.

Tennis bo‘yicha musobaqalarda Jo‘rabek Karimov musobaqada ikkinchi raqam ostida saralangan hindistonlik Ramantan Ramkumar bilan kuch sinashdi. Hamyurtimiz raqibini 3:6, 6:4, 6:3 hisoblarida mag‘lubiyatga uchratdi va chorak finalga yo‘l oldi. 

Eslatib o‘tamiz, musobaqaning birinchi raketkasi sifatida o‘zbekistonlik Denis Istomin saralangan. U xitoylik raketka ustasi bilan kuch sinashadi.