Estoniyada Rossiya bo‘yicha yangi shubha paydo bo‘ldi

Estoniya tashqi razvedka departamenti rahbari Mikk Marran Rossiya tomonini NATO va Yevropa ittifoqining birligini buzishga urinishda ayblab chiqdi. Bu haqda u Postimees'ga bergan intervyusida aytdi.

Marranning so‘zlariga ko‘ra, Rossiya tomoni Yevropa davlatlaridan siyosatchilarni «ta'sir agentlari» sifatida qo‘llamoqda.

«Rossiya Yevropa Ittifoqi va NATOning birligini buzishga harakat qilmoqda», - deya ma'lum qildi Marran. 

Uning ta'kidlashicha, agar Rossiya bunga erishsa, Estoniya uchun bevosita tahdidni yuzaga keltirgan bo‘ladi.

Eslatib o‘tamiz, avvalroq AQShning Rossiyaga qarshi yangi sanksiyalari kuchga kirgani xabar berilgandi.