Ukraina Rossiyani «yoqimsiz syurprizlar» haqida ogohlantirdi

Ukraina BMT Bosh assambleyasida chiqish qilish uchun bir qator tashabbuslarni tayyorlamoqda, ular Rossiya uchun «yoqimsiz syurpriz» bo‘ladi. Bu haqda Ukrainaning BMTdagi doimiy vakili Vladimir Yelchenko ma'lum qildi, deya xabar beradi Gazeta.ua.

«Biz Bosh assambleya uchun bir qator tashabbuslarni tayyorlayapmiz. Ularni oshkor qila olmayman, chunki bizning shimoliy qo‘shnimiz buni kutmoqda... Ularni (ruslar) Qrim va Donbass bo‘yicha ham, Qrimning harbiylashtirilishi masalasida ham bir nechta yoqimsiz syurprizlar kutmoqda», - deya aytib o‘tdi Yelchenko. 

BMT Bosh assambleyasining 73-sessiyasining ochilishi 2018 yil 18 sentabrga mo‘ljallangan. Nashrning ta'kidlashicha, unda Ukraina prezidenti Pyotr Poroshenko boshchiligidagi delegatsiya ham ishtirok etadi.

Eslatib o‘tamiz, avvalroq Ukraina nega Qrimdan kemalarini olib chiqib ketmayotgani aytilgandi.