Sergey Shoygu o‘zbekistonlik ofitserni mukofotladi

Rossiya mudofaa vaziri Sergey Shoyguning buyrug‘i bilan podpolkovnik Rustam Jabborov harbiy hamkorlik va jangovar hamdo‘stlikni mustahkamlagani uchun mukofotlandi.

Mudofaa vazirligi matbuot xizmatining Kun.uz’ga xabar berishicha, Rustam Jabborov Qurolli Kuchlar Bosh shtabi mas'ul ofitseri hisoblanadi.

Unga «Jangovar hamdo‘stlikni mustahkamlagani uchun» medali ShHTga a'zo davlatlar mamlakatlari mashg‘ulotlarining yopilish marosimida topshirilgan.

O‘quv mashg‘ulotlarida O‘zbekiston mudofaa vazirining birinchi o‘rinbosari – Qurolli Kuchlar Bosh shtabi boshlig‘i general-mayor Pavel Ergashev ham qatnashgan.