O‘zbekistonning boksdagi gegemonligi davom etadi. Iqboljon Xoldorov finalga yo‘l oldi

O‘zbekiston boks jamoasining oltinchi vakili ham Osiyo o‘yinlarining finalida jang qiladi.

-64 kg vazn toifasidagi Iqboljon Xoldorov yarim finalda yaponiyalik Daysuki Narimatsuga qarshi ringga ko‘tarilib, 5:0 (30:28, 30:27, 29:28, 30:27, 29:28) hisobida g‘alaba qozondi.

U endi finalda Chinzorig Batarsuk (Mo‘g‘uliston) bilan oltin medal uchun ringga ko‘tariladi.

Qayd etish kerakki, O‘zbekiston bokschilari yo‘qotishlarsiz finalga chiqishmoqda. Bungacha Hasanboy Do‘smatov (-49 kg), Jasurbek Latipov (-52), Miraziz Mirzaxalilov (-56 kg), Shunqor Abdurasulov (-60 kg) va Bobousmon Baturov (-69 kg) ham final yo‘llanmasini hal qilishgandi. 

Endi oldinda -75 kg vazn toifasida Isroil Madrimov filippinlik Marsial Feliksga qarshi final uchun jang qiladi.

Shu tariqa, Osiyo o‘yinlari finalida oltin medal uchun jang qiladigan o‘zbekisonlik bokschilar soni 6 nafarga yetdi. Bungacha -49 kg vazn toifasidagi Hasanboy Do‘smatov, -52 vazn toifasidagi Jasurbek Latipov, -56 kg vazn toifasidagi Miraziz Mirzaxalilov, -60 kg vazn toifasidagi Shunqor Abdurasulov hamda -69 kg vazn toifasidagi Bobousmon Baturov final yo‘llanmasini qo‘lga kiritishgandi.