Tramp ASEAN va OTIH sammitlariga borishdan bosh tortdi

Foto: Jonathan Ernst/Reuters

AQSh prezidenti Donald Tramp Singapur va Papua-Yangi Gvineyada o‘tkaziladigan ASEAN hamda OTIHga bormaydi. Bu haqda Reuters Oq uyga tayanib xabar qilmoqda.

Ta'kidlanishicha, uchrashuvlarda Qo‘shma Shtatlar nomidan vitse-prezident Mayk Pens ishtirok etadi.

Oq uy matbuot kotibi Sara Sandersning so‘zlariga ko‘ra, Pens «AQSh erkin va ochiq Hind-Tinch okeani mintaqasi bo‘yicha qanday pozitsiyada ekanini ta'kidlaydi». Bu suverenitet va qonun ustuvorligi, shuningdek, erkin hamda adolatli savdo tamoyillariga asoslangan bo‘ladi.

Shuningdek, xabar qilinishicha, Tramp bu vaqtda Irlandiyaga tashrif buyuradi.

Eslatib o‘tamiz, avvalroq Putin va Tramp yil oxirigacha uch marta uchrashishi mumkin ekani xabar qilingandi.