Putin va Tramp yil oxirigacha uch marta uchrashishi mumkin

Rossiya prezidenti Vladimir Putin va AQSh prezidenti Donald Tramp shu yilning oxirigacha yana uch marta uchrashishi mumkin. Bu haqda «Izvestiya» gazetasi yozmoqda.

Aniqlik kiritilishicha, gap Fransiyada Birinchi jahon urushiga bag‘ishlangan tadbirlar, Singapurdagi Sharqiy Osiyo sammiti va Argentinadagi «katta yigirmalik» yetakchilarining uchrashuvi haqida ketmoqda.

Rossiya prezidenti matbuot kotibi Dmitriy Peskovning qayd etishicha, Rossiya turli maydonchalarda Rossiya-Amerika muzokaralari tashkil etilishini xohlaydi. Shuningdek, u oliy darajadagi uchrashuvlar yuz berishini istisno qilmadi. 

Shu bilan birga, Peskovning bildirishicha, «hammasi amerikaliklarga ham bog‘liq».

Birinchi jahon urushi yakunlanganining yuz yilligi Fransiyada 11 noyabrda nishonlansa, Singapurdagi Sharqiy Osiyo sammiti 11-15 noyabr kunlari bo‘lib o‘tadi, «katta yigirmatalik» davlat rahbarlari uchrashuvi esa noyabr oxiri - dekabr boshida Buenos-Ayresda tashkillashtiriladi.