Kolumbiya hukumati sobiq prezident Xuan Manuel Santosning Falastinni mustaqil davlat sifatida tan olish qaroridan voz kechmaydi. Bu haqda mamlakatning tashqi ishlar vaziri Karlos Xolms Truxilo ma'lum qildi.
El Tiempo nashrining yozishicha, bunday bayonotni Truxilo AQShga safarining birinchi kuni aytgan. Truxiloning aytishicha, Kolumbiya Falastinni mustaqil davlat sifatida tan olish qaroridan voz kechmaydi.
“Shu bilan birga Falastin bilan munosabatlar borasida yangi qadamlar amalga oshirilmaydi. Kolumbiya Falastinda diplomatik vakolatxonasini ochmaydi. Kolumbiyaning Misrdagi va Isroildagi elchixonalari fuqarolarimiz iltimosini qondirish uchun yetarli”, deb aytgan Truxilo.
30 avgustda Kolumbiyaning sobiq prezidenti Xuan Manuel Santos Kolumbiya tomonidan Falastinning mustaqil davlat sifatida tan olinganini e'lon qildi. Santosning prezident lavozimidagi vakolati 7 avgustda o‘z poyoniga yetdi.
