Shvetsiya Rossiyadan chiqindi sotib olmoqchi

Shvetsiyaning Moskvadagi elchisi Peter Erikson so‘zlariga ko‘ra, Shvetsiya kelajakda Rossiyadan chiqindilar sotib olishi mumkin. Bu haqda RIA «Novosti» xabar qilmoqda.

«Bilmayman, lekin buni istisno etib bo‘lmaydi. Hozircha biz Italiya, Angliya va Norvegiyadan chiqindi sotib olyapmiz», - deydi Erikson.

Shuningdek, uning qayd etishicha, bu mamlakatlar o‘rtasidagi «yaxshi va muhim» hamkorlik sohasi.

Avvalroq, Rossiya prezidentining atrof-muhitni muhofaza qilish, ekologiya va transport faoliyati masalalari bo‘yicha maxsus vakili Sergey Ivanov Rossiyada chiqindilarni qabul qilish bo‘yicha katta tarmoqni tashkil etish zarurligi haqida ta'kidlab o‘tgandi.

Uning bildirishicha, bu ushbu qimmatbaho qayta ishlanadigan xomashyoni chiqindixonalarga tashlashni to‘xtatish uchun zarurdir.