«Barselona» maoshlarga «Real»dan ko‘proq pul sarflamoqda

Foto: Getty Images

La Liga rasmiy saytida klublarning maoshlarga sarflaydigan mablag‘lari to‘g‘risida ma'lumotlar chiqdi.

Ro‘yxatda birinchi o‘rinni Ispaniya chempionati va Kubogining amaldagi g‘olibi «Barselona» egallab turibdi. Jamoa 2018/19 mavsumida futbolchilar, murabbiylar va ishchi-xizmatchilarning maoshi uchun 633 million yevro sarflaydi.

Ikkinchi o‘rinda Chempionlar Ligasining so‘nggi uchta turniri g‘olibi «Real» bormoqda - 566,5 million yevro. Kuchli uchlikni Yevropa Ligasi va UYeFA Superkubogi sohibi «Atletiko» yakunlab bergan - 293 million yevro.

Shuningdek, yuqori oltilikdan «Valensiya» (164,6 million yevro), «Sevilya» (162,7 million yevro) va «Vilyarreal» (109 million yevro) joy olgan.