«Барселона» маошларга «Реал»дан кўпроқ пул сарфламоқда

Ла Лига расмий сайтида клубларнинг маошларга сарфлайдиган маблағлари тўғрисида маълумотлар чиқди.

Рўйхатда биринчи ўринни Испания чемпионати ва Кубогининг амалдаги ғолиби «Барселона» эгаллаб турибди. Жамоа 2018/19 мавсумида футболчилар, мураббийлар ва ишчи-хизматчиларнинг маоши учун 633 миллион евро сарфлайди.

Иккинчи ўринда Чемпионлар Лигасининг сўнгги учта турнири ғолиби «Реал» бормоқда - 566,5 миллион евро. Кучли учликни Европа Лигаси ва УЕФА Суперкубоги соҳиби «Атлетико» якунлаб берган - 293 миллион евро.

Шунингдек, юқори олтиликдан «Валенсия» (164,6 миллион евро), «Севилья» (162,7 миллион евро) ва «Вильярреал» (109 миллион евро) жой олган.