Kattaqo‘rg‘on tumanida sement zavodi qurilmoqda

Samarqand viloyati Kattaqo‘rg‘on tumanida xitoylik investorlar bilan hamkorlikda yuqori sifatli sement ishlab chiqaradigan qo‘shma korxona qurilishi boshlandi, deb xabar bermoqda viloyat hokimligi rasmiy sayti.

Xitoyning «Xengyuan sement» jamoasi bilan tuzilgan shartnomaga ko‘ra, qo‘shma korxonaning loyiha qiymati 340 million AQSh dollariga teng bo‘lib, dastlabki yili 1,2 million tonna sement ishlab chiqariladi. 2023 yilga borib esa ishlab chiqariladigan sement hajmi ikki barobarga ortadi.

Xabar berilishicha, korxona to‘liq quvvat bilan ishga tushgach, bu yerda 1500 kishi muqim ish bilan ta'minlanadi.