“Lasetti” yukxonasidan 9 mln so‘mni o‘g‘irlagan shaxs qo‘lga olindi

Toshkent shahrining Chilonzor tumanida jinoyat yuz berdi. Bu haqda O‘zbekiston Respublikasi IIV Jamoatchilik va ommaviy axborot vositalari bilan aloqalar boshqarmasi xabar qilmoqda.

Ma'lum bo‘lishicha, shu yil 9 sentabr kuni noma'lum shaxs Cho‘pon ota ko‘chasida qarovsiz qoldirilgan Toshkent viloyati Zangiota tumanida yashovchi X.M. boshqaruvidagi “Lasetti” rusumli avtomashinasi yukxonasidan 9 mln so‘m pulini o‘g‘irlab ketgan. Holat yuzasidan jinoyat ishi qo‘zg‘atilgan.

Ko‘rilgan choralar natijasida ushbu jinoyatni Uchtepa tumanida yashovchi M.A. sodir etganligi aniqlanib ushlangan. Tergov harakatlari olib borilmoqda.