Hukumat ijro tuzilmasida jiddiy o‘zgarishlar: yangi lavozim joriy etildi

O‘zbekiston Respublikasi Vazirlar Mahkamasi ijro tuzilmasiga o‘zgartirish kiritildi.

Unga ko‘ra, O‘zbekiston Respublikasi bosh vazirining o‘rinbosari – Geologiya, yoqilg‘i-energetika kompleksi, kimyo, neft-kimyo va metallurgiya sanoati masalalari kompleksi rahbari — «O‘zbekneftgaz» aksiyadorlik jamiyati boshqaruvi raisi lavozimi tugatildi.

Tuzilmada bosh vazir o‘rinbosari - Geologiya, yoqilg‘i-energetika kompleksi, kimyo, neft-kimyo va metallurgiya sanoati masalalari kompleksi rahbari lavozimi joriy etildi.

Prezident qarori bilan Alisher Sultonov bosh vazir o‘rinbosari – Geologiya, yoqilg‘i-energetika kompleksi, kimyo, neft-kimyo va metallurgiya sanoati masalalari kompleksi rahbari etib tayinlandi.

Eslatib o‘tamiz, avvalroq Alisher Sultonov «O‘zbekneftgaz» rahbarligidan ketgani xabar berilgandi.

Endilikda, O‘zbekistonning Rossiyadagi elchisi Bahrom Ashrafxonov Sultonov o‘rniga «O‘zbekneftgaz» AJ boshqaruvi raisi lavozimini egallagan.