Yo‘ldoshbek qori Nuriddinov Madinadagi xalqaro Qur'on musobaqasida ishtirok etadi

Toshkent islom instituti 4-kurs talabasi Yo‘ldoshbek qori Nuriddinov Madina shahridagi Masjidun Nabaviyda Qur'on hifzi, tilovati va tafsiri yo‘nalishlarida xalqaro musobaqada qatnashib, O‘zbekiston sharafini himoya qiladi. Bu haqda Azon.uz xabar bermoqda.

Yo‘ldoshbek qori Nuriddinov “O‘zbekiston Qur'on musobaqasi-2018”ning “Oliy mukofot” sohibi hisoblanadi.

Saudiya rasmiy OAV bergan ma'lumotga ko‘ra, Qur'on hifzi, tilovati va tafsiri yo‘nalishlari bo‘yicha qirol Abdul Aziz tanlovi 26 muharramda (6 oktabr) boshlanib, safar oyining birinchi kunigacha (11 oktabr) davom etadi. Unda 82 davlatdan 115 kishi ishtirok etadi.

Ta'kidlanishicha, ushbu musobaqa Muhammad (s.a.v.)ning masjidlarida 40 yildan beri ilk bor o‘tkazilmoqda.