Eron terakt uchun kim mas'ul ekanini ma'lum qildi
Eron tashqi ishlar vaziri Muhammad Javod Zarifning bildirishicha, harbiy paraddagi terakt uchun mas'uliyat «terrorizmning mintaqaviy homiylari va ularning amerikalik yo‘riqchilari» zimmasidadir. Bu haqda u tvitterdagi o‘zining akkauntida yozgan.
Eronning janubi-g‘arbidagi Ahvaz shahridagi harbiy paradda terakt 22 sentabr kuni ertalab sodir bo‘ldi.
«Xorijiy rejimlar tomonidan yollangan, o‘qitilgan, qurollantirilgan va moliyalashtirilgan terrorchilar Ahvazga hujum qilganlar. Bolalar va yoshlar qurbonlar orasida bor. Eron ro‘y bergan hujum uchun mas'uliyatni terrorizmning mintaqaviy homiylari hamda ularning amerikalik yo‘riqchilari zimmasiga yuklaydi», - deya yozgan Zarif.
Shuningdek, Eron tashqi siyosat idorasi rahbarining ta'kidlashicha, Eron «tez va qat'iyatli» tarzda o‘z fuqarolarini himoya qilish uchun javob harakatlarini amalga oshiradi.
Eslatib o‘tamiz, avvalroq Erondagi terakt videosi paydo bo‘lgandi.
Mavzuga oid
18:21 / 19.09.2024
Do‘stona davlatlar bo‘ylab turne. Shoyguning KXDR, Eron va Suriyaga tashriflari ortida nima bor?
11:10 / 17.09.2024
Toshkent va Xorazmda O‘zbekiston-Eron biznes-forumlari bo‘lib o‘tadi
22:54 / 16.09.2024
Eron prezidenti o‘z mamlakati yadro quroli yaratish niyati yo‘qligini aytdi
08:20 / 16.09.2024