Honkongda dunyodagi eng qimmat uy sotuvga qo‘yildi

Hongkongda jahondagi eng qimmat uy 446 million dollarga sotuvga qo‘yildi, deb xabar berdi Bloomberg.

Maydoni 16,3 ming kvadrat metr bo‘lgan bu uyda to‘rtta yotoqxona bo‘lib, mashina turargohi va basseyn bo‘lgan hovlisi maydoni 15 sotixni tashkil etadi.  

1991 yilda qurilgan bu bino Gonkongdagi eng hashamatli tumanlardan birida joylashgan.

«Narx uyning o‘zidan ko‘ra u joylashgan maydonga nisbatan belgilangan», - dedi Executive Homes Hong Kong Ltd ko‘chmas mulk agentligi katta maslahatchisi Lourens Braun.

Bloomberg’ning yozishicha, Hongkong uy oldi-sotdisida bundan oldingi rekord  2016 yilda qo‘yilgan. O‘shanda muhtasham uy 255 million dollarga sotilgan.