Xitoy AQSh savdo gegemoniyasi haqida ma'lum qildi

Xitoy Xalq Respublikasi Davlat kengashining fikricha, Qo‘shma Shtatlar hukumati Xitoyga o‘z manfaatlarini majburlab o‘tkazmoqchi. Bu haqda RIA «Novosti» Xitoy idorasi materiallariga asosan xabar bermoqda.

«2017 yildan beri, AQSh yangi ma'muriyati hukumat tepasiga kelgach, ular «AQSh hammasidan ustun» shiori ostida asosiy xalqaro normalardan, jumladan, o‘zaro hurmat va tenglik asosida muzokaralar olib borishdan chetlashdi. Ular bir tomonlama harakatlar, proteksionizm hamda savdo gegemonizmi siyosatidan foydalana boshlashdi», - deya ma'lum qilishgan Davlat kengashidan.

Shuningdek, Xitoy rasmiylarining ta'kidlashicha, AQSh ko‘plab mamlakatlar va mintaqalarga nisbatan «iqtisodiy qo‘rqitish» bo‘yicha qator choralar ko‘rdi.

Eslatib o‘tamiz, avvalroq AQSh Xitoyga o‘ta keskin ayblovlar bilan chiqmoqchi ekani xabar qilingandi.