Buyuk Britaniya mamlakatga kelayotgan ba'zi ishchilarga imtiyozlarni bekor qildi

Britaniya vazirlar mahkamasi mamlakatning Yevropa ittifoqi (YeI) tarkibidan chiqqanidan keyingi migratsion siyosat loyihasini ma'qulladi. Bu haqda Financial Times gazetasi yozmoqda.

Ta'kidlanishicha, vazirlar mahkamasi Buyuk Britaniya ichki ishlar vaziri Sajid Jovidning loyihasini ko‘rib chiqdi. Unda mamlakatda ishlashni istaganlar uchun cheklovlar tartibga solinadi. Gazeta ma'lumotlariga ko‘ra, hujjat asosan yuqori malakali ishchi kuchiga tegishli.

Buyuk Britaniya boshqa mamlakatlardan ishchilarni qabul qilishda davom etadi, ammo endi YeI fuqarolari ilgari ko‘zda tutilgan qo‘shimcha imtiyozlarni olmaydilar. Financial Times’dan aniqlik kiritishlaricha, Britaniya hukumati Brexit’dan keyin Yevropa davlatlari bilan yaqin savdo hamkorligi bo‘yicha bitim tuzgan taqdirda, bu holat o‘zgarishi mumkin.

Eslatib o‘tamiz, avvalroq yevroskeptiklar Meyning Brexit bo‘yicha rejasini boykot qilishmoqchi ekani xabar berilgandi.