Norvegiya o‘zining ilk kosmik raketasini fazoga uchirdi

Norvegiya mamlakat hududida to‘liq loyihalanagan va yig‘ilgan ilk kosmik raketasini fazoga uchirdi.

Nucleus deb nomlangan ushbu raketa Norvegiyadagi to‘liq mahalliy butlovchi qismlardan yig‘ilgan ilk raketa bo‘lib, uning dvigateli Nammo kompaniyasi tomonidan loyihalangan. U ham suyuq, ham qattiq yonilg‘ida ishlaydi. Raketa Norvegiyadagi Andoyya kosmodromidan uchirilgan. 

Raketani yaratish ustidagi ishlar 10 yildan ko‘proq vaqt olib borilgan. Uning og‘irligi 800 kgni, uzunligi 9 metrdan ko‘proqni tashkil qiladi. Raketa ilk sinov parvozi davomida 100 km balandlikka ko‘tarilib, so‘ngra dengizga qulashi rejalashtirilgan, chunki u vazni sababli o‘zi mustaqil ravishda orbitaga chiqa olmaydi.