Foto: AFP
Fransiyalik mashhur xonanda Sharl Aznavur vafot etdi. Bu haqda «Frans Press» xabar bermoqda.
Sharl Aznavur 1924 yilning 22 may kuni Parijda tavallud topgan. U nafaqat xonanda, balki bastakor, shoir, yozuvchi va aktyor sifatida ham tanilgan. Haqiqiy ismi - Shoxnur Vaxinak Aznavuryan.
Aznavur 1300ta qo‘shiqni yaratgan, 60ta filmda rol ijro etgan va 200 mln.dan ziyod disklarini sotgan. Time jurnali va CNN’ning birgalikda o‘tkazgan so‘rovnomasiga (1998) ko‘ra, Aznavur XX asrning eng yaxshi estrada xonandasi deb tan olingan.
2009 yilning 5 mayidan Armanistonning Shveytsariyadagi elchisi va mamlakatning BMT qarorgohidagi doimiy vakili bo‘lgan. Shveytsariyada doimiy ravishda istiqomat qilgan.
