«Do‘rmon»da «Neksiya» va «Captiva» to‘qnashdi

Illyustrativ foto

Toshkent viloyatining Qibray tumanida yo‘l-transport hodisasi yuz berdi, deb xabar qilmoqda O‘zbekiston Respublikasi IIV Jamoatchilik va ommaviy axborot vositalari bilan aloqalar boshqarmasi.

Ma'lum bo‘lishicha, shu yil 5 oktabr kuni fuqaro M.K. boshqaruvidagi “Neksiya” rusumli avtomashinani “Do‘rmon” MFYda haydab ketayotib, shu yo‘nalishda oldinda harakatlanib ketayotgan Toshkent shahar Uchtepa tumanida yashovchi K.S. boshqaruvidagi “Captiva” rusumli avtomashinaning orqa qismiga urilib, to‘qnashuv sodir etgan.

Natijada “Neksiya” avtomashinasi yo‘lovchisi, Toshkent shahar Mirzo Ulug‘bek tumanida yashovchi M.M. jarohat olib kasalxonaga yotqizilgan.

Surishtiruv ishlari olib borilmoqda.