Hindiston AQSh sanksiyalari haqida: biz mustaqil siyosat olib boramiz

Hindiston quruqlikdagi qo‘shinlar shtabi boshlig‘i Bipin Ravatning ma'lum qilishicha, mamlakat Rossiyadan qurol sotib olishi sababli AQSh o‘ziga qarshi sanksiyalar joriy etishi mumkin ekanidan yaxshi xabardor. Bu haqda New Indian Express xabar qilmoqda.

Shu bilan birga, uning ta'kidlashicha, Hindiston «mustaqil siyosat olib boradi».

Uning so‘zlariga ko‘ra, Hindiston texnologiyalar zarurati sababli AQSh bilan aloqalarni davom ettirsa-da, sanksiyalar xavfi tufayli o‘z qarorlarini bekor qilmaydi.

Eslatib o‘tamiz, avvalroq Rossiya Hindiston bilan C-400 bo‘yicha shartnoma imzolagandi.

Rossiya prezidenti matbuot kotibi Dmitriy Peskovning xabar berishicha, Vladimir Putinning Nyu-Dehliga tashrifi chog‘ida Hindistonga C-400 bilan yetkazib berish bo‘yicha shartnoma imzolangan. Ta'kidlanishicha, shartnoma qiymati 5 milliard dollardan oshiqni tashkil etadi.