Buxoro viloyatining Kogon shahrida jinoyat yuz berdi, deb xabar qilmoqda O‘zbekiston Respublikasi IIV Jamoatchilik va ommaviy axborot vositalari bilan aloqalar boshqarmasi.
Ma'lum bo‘lishicha, 2018 yil 9 oktabr kuni Qorovulbozor tumanida yashovchi K.A. mast holda tanishi D.R. (ayol)ning uyida o‘zaro janjal sabab shu uyda yollanib ishlovchi N.V. (ayol) badanining turli joylariga urib-tepib jarohat yetkazgan.
Ro‘y bergan hodisa oqibatida N.V. kasalxonaga keltirilganida vafot etgan. K.A. qo‘lga olingan.
Holat yuzasidan jinoyat ishi qo‘zg‘atilib, tergov harakatlari olib borilmoqda, deyiladi xabarda.