Бухоро вилоятининг Когон шаҳрида жиноят юз берди, деб хабар қилмоқда Ўзбекистон Республикаси ИИВ Жамоатчилик ва оммавий ахборот воситалари билан алоқалар бошқармаси.
Маълум бўлишича, 2018 йил 9 октябрь куни Қоровулбозор туманида яшовчи К.А. маст ҳолда таниши Д.Р. (аёл)нинг уйида ўзаро жанжал сабаб шу уйда ёлланиб ишловчи Н.В. (аёл) баданининг турли жойларига уриб-тепиб жароҳат етказган.
Рўй берган ҳодиса оқибатида Н.В. касалхонага келтирилганида вафот этган. К.А. қўлга олинган.
Ҳолат юзасидан жиноят иши қўзғатилиб, тергов ҳаракатлари олиб борилмоқда, дейилади хабарда.