Nagoya: Yapon qizlari o‘zbek raqslarini namoyish qilishadi

14 oktabr kuni yapon qizlaridan iborat raqs guruhi an'anaviy o‘zbek raqslarini namoyish qiladi, deya xabar beradi Yaponiyadagi O‘zbekiston elchixonasi. 

Raqs guruhi nomi "So‘zana" bo‘lib, u nafosat ramzi tushirilgan an'anaviy o‘zbek hunarmandchiligining bir qismi hisoblanadi. 

Yaponiyadagi "So‘zana" raqs guruhi Kansaydagi turli madaniyat va raqs tadbirlarida ishtirok etadi hamda yaponiyaliklarga o‘zbek raqsi jozibasini namoyish qiladi. 

Ta'kidlash joizki, Yaponiyada o‘zbek raqsi tobora tanilib bormoqda. Yaponiyadagi O‘zbekiston elchixonasi tomonidan tashkillashtiriluvchi bayram tadbirlarida ham yaponiyaliklar "Tanovar" va "Lazgi"ga raqs tushib, yig‘ilganlarning olqishiga sazovor bo‘lishmoqda.