Kerch fojiasi. Qurbonlar soni 20 nafarga yetdi

Qrimning Kerch shahridagi kollejda yuz bergan otishma oqibatida halok bo‘lganlar soni 20 kishiga yetdi. Bu haqda RIA «Novosti» xabar bermoqda.

Qayd etilishicha, bu haqda shahar ma'muriyati rahbari o‘rinbosari Dilyaver Melgaziyev ma'lum qilgan.

Shuningdek, uning aytishicha, og‘ir ahvolda qolayotgan o‘n nafar jabrlanuvchidan sakkiz nafarining shaxsini aniqlashga muvaffaq bo‘lindi.

Kerchda politexnika kollejiga hujum ro‘y berdi. Hujumni 18 yoshli yigit sodir etganlikda gumon qilinmoqda, u o‘z joniga qasd qilgan. Qrimda uch kunlik motam e'lon qilindi.