Qrimdagi kollejda terakt. Kamida 10 kishi halok bo‘lgan

17 oktabr kuni Qrim yarimoroli sharqidagi Kerch shahrida joylashgan politexnika kollejida portlash sodir bo‘ldi. Mahalliy nashrlarning yozishicha, hodisa oqibatida kamida 10 kishi halok bo‘lgan va 70 kishi jarohatlangan.

Jarohatlanganlarning 25 nafari shifoxonaga yotqizilgan.

Dastlabki xabarlarda kollej oshxonasida gaz balloni portlagani haqida aytilgandi.

Rossiya Milliy aksilterror qo‘mitasi ma'lumotiga ko‘ra esa kollej hududida portlovchi qurilma ishga tushirilgan. Hozirda hududda tekshiruv ishlari olib borilmoqda.

Guvohlarning so‘zlariga ko‘ra esa hududda otishma ovozlari eshitilgan. Ularning aytishicha, avtomat bilan qurollangan shaxs bino hududidagi talabalarga o‘q yog‘dirgan.

Hududda tibbiyot xodimlari, qutqaruvchilar, politsiya va boshqa maxsus xizmatlar vakillari ish olib borishmoqda.

Rossiya prezidenti Vladimir Putin, zarurat tug‘ilsa, jabrlanuvchilarni mamlakatning yetakchi kasalxonalariga zudlik bilan ko‘chirish haqida ko‘rsatma bergan.

{Yii::t(}

O'tkazib yuborish 6s

O'tkazib yuborish