Kreml: Vashingtonning o‘zi tashabbus ko‘rsatmayapti

Rossiya prezidenti matbuot kotibi Dmitriy Peskov «Perviy kanal»dagi «Bolshaya igra» teleko‘rsatuvi efirida Rossiya va AQSh prezidentlari Vladimir Putin hamda Donald Trampning yangi sammiti imkoniyatini izohladi.

Uning so‘zlariga ko‘ra, hozirgi vaqtda Rossiya va Amerika yetakchilari uchrashuviga tayyorgarlik olib borilmayapti, sababi Qo‘shma Shtatlar bu borada tashabbus ko‘rsatgani yo‘q.

«Biz Vashingtondan qandaydir tashabbus chiqqanini ko‘rmadik, bizning amerikaliklar bilan munosabatlarni yaxshilash istagimiz devorga borib urilmoqda», - dedi Peskov.

Putin va Trampning birinchi sammiti shu yil 16 iyulida Xelsinkida bo‘lib o‘tdi. 

Eslatib o‘tamiz, avvalroq Rossiya internet-trollari amerikaliklarga Brexit yordamida ta'sir ko‘rsatishga uringani ma'lum bo‘lgandi.